Google ADS

Konjufca për Sylë Tahirsylaj: Humbëm një profesionist të dalluar, që me përkushtimin e tij la një kontribut shumë të madh në IH

10:31 | 17 Qershor 2024
L G

Kryetari i Kuvendit të Kosovës, Glauk Konjufca ka shprehur ngushëllimet e tij për vdekjen e profesorit dhe meteorologut, Sylë Tahirsylaj.

Përmes një postimi në Facebook, Konjufca shkruan se ai ka lënë një kontribut shumë të madh në Institutin e Hidrometeorologjisë.

“Humbëm një profesionist të dalluar, që me përkushtimin e tij la një kontribut shumë të madh në Institutin e Hidrometeorologjisë, në sferën akademike universitare, si dhe në tërësi në fushën e meteorologjisë në vendin tonë. Sylë Tahirsylaj do t’iu mungojë jo vetëm familjarëve dhe miqve të tij, por edhe publikut të gjerë, për të cilin ai ishte një emër i shquar i meteorologjisë për një kohë jashtëzakonisht të gjatë, nëpër të cilën la shenjën e pashlyeshme të punës së tij të palodhur”, ka pohuar ai.

Konjufca ka ngushëlluar familjen dhe miqtë e tij.

“Ngushëllime më të sinqerta familjes dhe miqve të tij, të cilët humbën më të dashurin e tyre!U prehtë në paqe”, thotë ai./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm