Konjufca: Mos u votu Specialja për ndonjë pazar e tash nuk iu dolën llogaritë

12:26 | 9 Mars 2017
Arbresh.info

Shefi i Grupit Parlamentar të VV-së, Glauk Konjufca ka reaguar pas kërkesës së deputetit të PDK-sëm, Nait Hasani për rikthimin e Ligjit për Specialen në Kuvend.

Konjufca ka ironizuar duke thënë se ndoshta kanë pasur ndonjë pazar politik partitë në pushtet me votimin e Speciales e tash llogaritë nuk iu dolën ashtu, shkruan arbresh.info.

Ai ka thënë se ky Ligj nuk mund të zhbëhet pa Listën Serbe dhe pa një projekt nacionaL.

“Kjo punë nuk bëhet spontanisht , kjo punë nuk bëhet pse na ka rënë ndër mend në njërën prej seancave plenare kur nuk është as pikë e rendit të ditës. Procedura është që duhet të zhbëhet në nivel kushtetues pasi e keni bërë amandament kushtetues me 80 e disa vota, edhe Listën Serbë duhet me bind. Do të ishte lajm shumë i mirë për Kosovën nëse do ta zhbënte Specialen por kjo duhet të bëhet me ndonjë projekt nacional, me një konsensus”, ka thënë Konjufca./Arbresh.info.

 

Shpërndaje në rrjete sociale

Lajmet më të lexuara

Të ngjashme

Foto lajm