Konjufca merr mbështetjen e Malajzisë për anëtarësimin e Kosovës në institucionet ndërkombëtare

18:52 | 6 Mars 2024
E.H

Kryetari i Kuvendit, Glauk Konjufca, priti sot në takim ambasadorin jorezident të Malajzisë në Kosovë, Zahid Rastam, me të cilin diskutoi për marrëdhëniet mes dy vendeve dhe për mundësitë e avancimit të tyre.

Konjufca falënderoi ambasadorin Rastam për mbështetjen e vazhdueshme që shteti i tij ka dhënë për Kosovën, duke vlerësuar se Malajzia ka qenë njëra ndër vendet që i ka dhënë shumë Kosovës që nga pas lufta, si me prezencën e saj në Kosovë, ashtu edhe në rrafshin ndërkombëtar.

Ambasadori Rasam, duke e falënderuar kryetarin Konjufca për pritjen, theksoi se Malajzia do të jetë mbështetëse e vazhdueshme e Kosovës në të gjitha fushat, përfshirë anëtarësimin e saj në institucionet ndërkombëtare.

Bashkëbiseduesit u pajtuan se ka mundësi të zgjerimit dhe begatimit të marrëdhënieve midis dy vendeve, si në fushën parlamentare, ashtu edhe në segmente të tjera me interes të ndërsjellë./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm