Kryetari i Kuvendit të Kosovës, Glauk Konjufca gjatë vizitës së tij në Gjermani, është takuar me presidenten e Bundestagut, Bärbel Bas.
Konujfca bëri të ditur se kanë diskutuar për çështje të rëndësishme.
“Kisha nderin dhe kënaqësinë e veçantë që sot të mikpritesha në takim nga Presidentja e Bundestagut Gjerman, znj. Bärbel Bas. Në frymën e raporteve të ngushta mes vendeve tona aleate dhe mike, diskutuam për çështje të rëndësishme, me orientim në kahjen që partneritetin tonë të ngushtë e të palëkundur nëpër vite ta thellojmë edhe më tej në drejtim të zhvillimit të interesave dhe synimeve tona të përbashkëta”, shkruan ai në Facebook.
Kryekuvendari tha se e ka falënderuar homologen për mikpritjen dhe mbështetjen që Gjermania i ka dhënë Kosovës, e në veçanti duke shprehur mirënjohjen për qëndrimin e qartë të Gjermanisë sa i përket sulmit terrorist në Banjskë.
“E falënderova homologen time, znj. Bas për mikpritjen dhe për mbështetjen që Gjermania i ka dhënë gjithnjë Republikës së Kosovës që nga themelimi i saj, por edhe më herët se kaq. Në veçanti, shpreha mirënjohjen time dhe të vendit tonë për qëndrimet e qarta të Gjermanisë, sa i përket sulmit terrorist në Banjskë”, shkruan Konjufca.
Tutje ai bën të ditur se e ka njoftuar presidenten e Bundestagut se Kosova ka arritur suksese të rëndësishme sa i përket treguesve të demokracisë në vend.
“E njoftova presidenten e Bundestagut se Kosova ka arritur suksese të rëndësishme sa i përket treguesve të demokracisë në vend. Megjithatë, shpreha nevojën e shtetit tonë për shkëmbimin e mëtejshëm të përvojave parlamentare dhe ekstraparlamentare sa i përket rritjes së kapaciteteve demokratike. Nga zj. Bas mora konfirmimin se mbështetja diplomatike, partneriteti dhe bashkëpunimi i gjithanshëm mes nesh do të vazhdojë edhe më tutje”, ka përfunduar shkrimin Konjufca.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite