Google ADS

Konjufca: Deklarata e Shkëlzen Gashit gabim i madh, s’do ta pranoja në kabinetin tim

22:44 | 24 Prill 2020
Arbresh.info

Nënkryetari i Vetëvendosjes, Glauk Konjufca ka komentuar deklaratën e shumëpërfolur të këshilltarit të Kurtit, Shkëlzen Gashit për UÇK-në.

Konjufca, në RTV Dukagjini ka thënë se vendimi për Gashin i takon kryeministrit Kurti, por sipas tij nuk pajtohet me ato deklarata.

“Nuk pajtohem me Gashin. Ai është plotësisht gabim. Bile ka gabuar rëndë. UÇK-ja nuk ka bërë krime…Për UÇK-në askush nuk ka mundur të argumentojë se struktura komanduese e saj ka bërë krime”.

Konjufca ka thënë se deklarata e Gashit është huqje dhe se ai nuk do ta pranonte në kabinet të tij një këshilltar të tillë.

“Me Gashin nuk jam pajtuar për këto deklarata as në vitin 2002”, tha Glauk Konjufca.

Shpërndaje në rrjete sociale

Lajmet më të lexuara

Të ngjashme

Foto lajm