Këtë fundjavë, në Lisbonë të Portugalisë, zhvilloi punimet Kongresi i Aleancës së Liberalëve dhe Demokratëve të Evropës, ku Partia Demokratike e Kosovës është anëtare me të drejta të plota.
Kryetari i Partisë Demokratike të Kosovës (PDK), Memli Krasniqi ka njoftuar se me një pjesëmarrje të madhe të partive anëtare nga e gjithë Evropa, kanë zgjedhur edhe kryetaren e re dhe gjashtë nënkryetarë të ALDES-s, për mandatin e ardhshëm, shkruan Arbresh.info.
“Jam shumë i lumtur që në këtë periudhë ALDE-n do ta drejtojë mikja ime, e PDK-së dhe e Kosovës, eurodeputetja gjermane, Svenja Hahn. Si rëndom, edhe ky Kongres, ishte një mundësi e mirë për të takuar liderë dhe përfaqësues të shumtë politikë nga shtete të BE-së dhe më gjerë, me të cilët diskutuam për të thelluar bashkëpunimin tonë”, ka shkruar ai.
Krasniqi shtoi se së bashku me partitë anëtare të ALDE-s në tërë kontinentin evropian, po e përkthejnë parimin e lirisë në veprime konkrete në politikë, ekonomi dhe në të gjitha fushat, në funksion të ndërtimit të një të ardhmeje më të mirë për të gjithë./Arbresh.info/
Rezultuan me tuberkulozë, AUV asgjëson gjashtë gjedhe
Disa nga emrat që po fliten si pjesë e Big Brother VIP Kosov...
Protesta e opozitës në Tiranë, rrezikohet jeta e policit – m...
Osmani: Tahir Emra la pas një kontribut të jashtëzakonshëm n...
Putin do të takojë presidentin iranian teksa krizës në Lindj...
Merr flakë stacioni i autobusit, protestuesit i vënë zjarrin...