Konfiskohen armë në Mitrovicë

14:11 | 5 Prill 2018
M. A.

Njësia Kundër Trafikimit me Narkotikë ka zbuluar dhe konfiskuar në Mitrovicën Veriore një sasi armësh.

Kallxo.com merr vesh se gjatë një aksioni në një lokacion në Mitrovicën Veriore, Njësia Kundër Trafikimit me Narkotikë ka zbuluar armë.

Gjate bastisjes janë gjetur dhe konfiskuar 2 armë automatike me 3 karikatorë te mbushur me plumba, 2 jelekë antiplumb, një shurdhues i armës, disa pjesë- bateri te motorolave, si dhe fishekë të kalibrave te ndryshëm dhe pajisje tjera.

Një person është arrestuar gjatë kësaj bastisjeje.

Bastisja është vazhdimësi e rastit te datës 28.02.2018 kur janë konfiskuar 81 kilogramë substancë narkotike e llojit marijuanë.

Kallxo.com kishte shkruar për gjetjen e kësaj sasie të drogës në tavanin e një shtëpie.

 

Shpërndaje në rrjete sociale

Lajmet më të lexuara

Të ngjashme

Foto lajm