Mbi 800 mijë qytetarë nga i gjithë vendi kanë shfrytëzuar të drejtën e tyre për votim në këto zgjedhje. Sipas statistikave të Komisionit Qendror Zgjedhor, komunat me dalje më të madhe të qytetarëve janë komunat e banuara kryesisht me serbë, derisa më pak disponim për të votuar kanë pasur qytetarët e Dragashit dhe Klinës. Të drejtë vote në këto zgjedhje kanë pasur 1 milionë e 937 mijë e 868 qytetarë, shkruan Express.
Në bazë të rezultateve të publikuara nga KQZ, me përqindje më të vogël të votuesve në zgjedhje janë renditur Komuna e Dragashit dhe Klinës.
Sipas këtyre të dhënave, në këto komuna përqindja e votuese është rreth 35 për qind.
Ndryshe, këtë proces zgjedhor e kanë vëzhguar rreth 30 mijë vëzhgues nga organizata vendore e ndërkombëtare. Numri i qytetarëve me të drejtë vote ka qenë 1 milion e 937 mijë e 868.
Për mbarëvajtjen e procesit zgjedhor janë kujdesur Policia dhe Prokuroria e Shtetit, institucione këto me të cilat KQZ-ja bashkëpunon përherë.
Komisioni Qendror i Zgjedhjeve ka certifikuar 25 subjekte politike për pjesëmarrje për Zgjedhjet e Parakohshme për Kuvendin e Republikës së Kosovës.
Mes tyre, 4 koalicione, 20 parti politike dhe 1 kandidat i pavarur. E këto subjekte politike janë shqiptare, serbe, boshnjake, turke gorane, ashkalinje, rome dhe egjiptiane.
Ndërsa në këto zgjedhje, postin e kryeministrit po e synojnë 7 kandidatë nga subjekte të ndryshme politike. /Express
Hapja e grupkapitujve të parë me BE, Rama: Nevojiten reforma...
Hasani takon Ardita Sinanin, rikonfirkon mbështetjen e qever...
Ten Hag konfirmon interesimin e klubit për transferimin e lo...
Gjenerallejtënant Bashkim Jashari qëndroi në vizitë zyrtare ...
Ferronikeli kërkon fitoren e parë, Drita vazhdimin e ecurisë...
Rumania thotë se edhe një dron tjetër shkeli hapësirën e saj...