Komuna lejon futjen e veturave në Prishtinë

18:07 | 1 Shkurt 2018
M. A.

Komuna e Prishtinës ka njoftuar të gjithë qytetarët se masa për ndalimin e qarkullimit të automjeteve në Zonën Qendër të kryeqytetit është ndërpritur.

Sipas komunikatës, bëhet e ditur, se në këto momente, AQI (Indeksi i Cilësisë së Ajrit), sipas matësit të cilit iu kemi referuar në vendimin paraprak, ka rënë në vlerën 61.

“Ndërpritet masa për ndalim të qarkullimit të automjeteve në Zonën Qendër

Në këto momente, AQI (Indeksi i Cilësisë së Ajrit), sipas matësit të cilit iu kemi referuar në vendimin paraprak, ka rënë në vlerën 61.

Duke e pasur parasysh këtë fakt, Komuna e Prishtinës ka marr vendim që nga ora 18:00 e ditës së sotme të ndërpritet masa për ndalimin e qarkullimit të automjeteve në Zonën Qendër.

Falënderojmë qytetarët për respektimin e vendimit paraprak gjatë këtyre dy ditëve!, thuhet në njoftim të komunës.

Shpërndaje në rrjete sociale

Lajmet më të lexuara

Të ngjashme

Foto lajm