Komuna e Vushtrrisë ndalon përdorimin e doracakëve “Edukimi Seksual dhe Shëndeti Riprodhues”

10:47 | 15 Nëntor 2024
E.K

Drejtoria për Arsim e Komunës së Vushtrrisë ka marrë vendim për ndalimin e përdorimit të doracakëve “Edukimi Seksual dhe Shëndeti Riprodhues” për nivelet shkollore 1-5, 6-9 dhe 10-12 në të gjitha shkollat e qytetit.

Drejtori për Arsim, Albanez Tahiraj, ka theksuar se ky vendim është marrë pas konsultimeve me prindër, drejtorë të shkollave dhe mësimdhënës, të cilët kanë shprehur shqetësime se përdorimi i këtyre doracakëve mund të dëmtonte vlerat e familjes tradicionale kosovare.

Tahiraj ka deklaruar se “doracakët, në formën e tanishme, nuk do të përdoren në asnjë institucion arsimor të Komunës së Vushtrrisë deri në revidimin e plotë të tyre”./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm