Komuna e Prizrenit ka filluar për herë të parë të kryej teste rapide për COVID-19.
Një gjë e tillë është bërë e ditur nga kjo komunë.
“Qytetarët e komunës së Prizrenit tanimë do të mund t’i kryejnë këto teste në Qendrën Kryesore të Mjekësisë Familjare dhe në Qendrën e Mjekësisë Familjare në Bajram Curr, duke e marrë rezultatin me 98,8% saktësi brenda 10 minutave”, është bërë e ditur për media.
Njoftimi i plotë:
Për herë të parë në nivel të Republikës së Kosovës, Komuna e Prizrenit fillon me realizimin e testeve të shpejta (rapide) antigjen për Covid-19
Për herë të parë në nivel të Republikës së Kosovës, nga sot Komuna e Prizrenit ka filluar me realizimin e testeve të shpejta (rapide) antigjen për Covid-19 në shëndetësinë primare.
Qytetarët e komunës së Prizrenit tanimë do të mund t’i kryejnë këto teste në Qendrën Kryesore të Mjekësisë Familjare dhe në Qendrën e Mjekësisë Familjare në Bajram Curr, duke e marrë rezultatin me 98,8% saktësi brenda 10 minutave.
Po ashtu, një ekip tjetër lëvizës përmes “kujdesit shtëpiak” të ofruar nga Komuna, do t’i realizojë këto teste tek shtëpitë e pacientëve që nuk mund të shkojnë në qendrat e lartëcekura të mjekësisë familjare.
Me këtë rast, kryetari i Komunës së Prizrenit, Mytaher Haskuka, deklaroi se ndjhet i lumtur që përveç këtyre testeve, shëdetësia primare e Komunës së Prizrenit, tanimë ka kompletuar pakon e shërbimeve për Covid-19, duke i realizuar: Testet e D-Dimer-it, Rentgenin e mushkërive, Analizat tjera të nevojshme dhe Testet serologjike.
Po ashtu, kryetari Haskuka, deklaroi se shpreson që Kosova të mos hyjë në valën e tretë të pandemisë, por nëse ndodh një gjë e tillë, Komuna e Prizrenit tani është gati për t’u përballur me të.
Nga ana tjetër, drejtoresha e Drejtorisë së Shëndetësisë, Narqize Arënliu-Hoxhaj pohoi se këto teste do të kryhen në bazë të udhëzimeve të mjekëve të institucioneve shëndetësore.
Burimi transformohet në Big Brother me paruke kaçurrela si R...
Lëndohet një person në vendin e tij të punës në Gjakovë, pol...
Lajmërohet nga burgu Ilir Meta: U rrëmbeva në prag të zgjedh...
Protesta e opozitës në Shqipëri/ Policia: Kush bllokon rrugë...
Fillon të publikohet lista finale për Topin e Artë
Volkswagen do t’i mbyllë tri fabrika në Gjermani, thotë kësh...