Komuna e Prishtinës shqiptoi 20 gjoba ndaj partive politike për mosrespektim të masave në tubimet zgjedhore

14:04 | 4 Mars 2021
S D

Kryeinspektori i Komunës së Prishtinës, Adonis Tahiri ka thënë se në aksionin që kishin ndërmarr ndaj subjekteve politike për organizim të tubimeve gjatë fushatës zgjedhore, nga 20 gjoba të shqiptuara janë paguar 10 prej tyre.

Tahiri përmes një statusi në rrjetin social në Facebook ka shkruar se Lëvizja Vetëvendosje (LVV) ka paguar gjashtë gjoba, Partia Demokratike e Kosovës (PDK) ka paguar tre gjoba si dhe Aleanca Kosova e Re (AKR) një gjobë.

“LVV ka paguar 6 gjoba, PDK ka paguar 3 gjoba, AKR ka paguar 1 gjobë”, ka shkruar ai.

Ndërsa sipas tij, gjobat e papaguara nga partitë politike janë këto: “LDK 5 gjoba, AAK 3 gjoba, LVV 1 gjobë, NISMA 1 gjobë. Secila gjobë e papaguar, do të procedohet për përmbarim, brenda afatit të caktuar bazuar në legjislacionin në fuqi”, ka thënë Tahiri.

Shpërndaje në rrjete sociale

Lajmet më të lexuara

Të ngjashme

Foto lajm