Google ADS

Komuna e Malishevës vazhdon me dezinfektimin e hapësirave publike

18:47 | 21 Mars 2020
Arditë Shkodra

Në kuadër të zbatimit të masave për parandalimin e pandemisë COVID-19, në Komunën e Malishevës, është duke vazhduar dezinfektimi i hapësirave publike.

Gjatë ditës së sotme, janë dezinfektuar, hapësirat e QKMF-së, parku i qytetit, rrugët dhe hapësirat tjera afër institucioneve, ka bërë të ditur Komuna, nëpërmjet një komunikate.

“Komuna e Malishevës, masat parandaluese është duke i zbatuar në përpikëri, dhe për zbatimin e tyre është duke u përkujdesur shtabi komunal për menaxhimin e situatës me COVID-19”, thekson komunikata.

Komuna ka bërë të ditur se “dezinfektimi i hapësirave publike që është duke u bërë sot, është donacioni i kompanisë së specializuar për Dezinfektim, Dezinsektim, Derratizim dhe Repelim, “Zona Park”, e cila në kuadër të dhënies së kontributit të tyre në këtë situatë, e ka bërë edhe këtë dezinfektim të hapësirave publike, duke e ndihmuar Komunën e Malishevës në zbatimin e masave parandaluese ndaj COVID-19”.

Shpërndaje në rrjete sociale

Lajmet më të lexuara

Të ngjashme

Foto lajm