Komuna e Malishevës ka bërë të ditur se duke filluar nga dita e enjte, do të bllokohen për qarkullim katër rrugët kryesore të cilat kyçen në rreth, përkatësisht në hyrje të qytetit për shkak të zgjerimit të punimeve
Sipas njoftimit të komunës, rrugët të cilat do të bllokohen për qarkullim janë rruga “Adem Jashari”, nga stacioni i autobusëve deri te rrethi, rruga “Ibrahim Mazreku”, nga ura e madhe deri te rrethi, rruga “Imer Krasniqi”, nga kyçja me rrugën “Ushtarët e Lirisë” deri te rrethi dhe rruga “Skënderbeu” nga kyçja me rrugën “Hysni Mazreku” deri te rrethi.
“Komuna e Malishevës kërkon mirëkuptimin e qytetarëve dhe bizneseve për vështirësitë që do të krijohen në qarkullim për shkak të mbylljes së domosdoshme të këtyre rrugëve në këtë fazë të punimeve”, thuhet në njoftimin e komunës.
Komuna ka publikuar një hartë, ku janë shfaqur rrugët alternative që mund të shfrytëzohen, teksa u bë e ditur se rrugët do të lirohen për qarkullim pas përfundimit të punimeve./Arbresh.info/
Moti sot i vranët dhe me riga shiu
Gjykata e BE-së: Çdo grua afgane mund të aplikojë për azil n...
FIFA kërkon që dy sporte të reja të përfshihen në Lojërat Ol...
Rreth 30 familje detyrohen të evakuohen si pasojë e përmbytj...
Forcat ukrainase godasin me dronë kamikaz rafinerinë ruse në...
Lajçak për sulmin e Banjskës: Përgjegjësit duhet ndëshkuar