Mbi 43 mijë euro, komuna e Ferizajt ka shpenzuar vetëm për vitin 2016 në dreka zyrtare.
Shifër kjo e cila është 97% më e lartë se në vitin paraprak.
Madje sipas Auditorit disa nga faturat nuk kishin specifikuar qëllimin e drekës, dhe u takonin viteve 2012, 2014, dhe 2015.
“Sipas analizës kemi vërejtur se shpenzimet për dreka zyrtare për vitin 2016 janë 43,060€ apo 97% më shumë se në vitin paraprak. Gjatë testimit të tri (3) pagesave gjithsej me vlerë 6,150€, ne kemi vërejtur se këto fatura i takonin viteve 2012, 2014 dhe 2015. Njëra nga faturat në vlerë 2,491€ në emër të shpenzimeve të reprezentacionit për Drejtorinë për kulturë, nuk kishte të specifikuar qëllimin e drekës. Nuk është e qartë pse këto fatura kanë qëndruar të pa paguara për kaq shumë kohë”, ka gjetur Auditori.
E gjetur tjetër është edhe për shpenzimet e karburantit për veturat e komunës.
Më 22 shkurt të vitit 2016 ishin paguar mbi 6 mijë euro për derivate, kurse pagesa kishte përfshirë shtatë faturat e vitit 2015.
“Më datën 22.02.2016 ishin paguar 6,464€ shpenzimet e karburantit për vetura të komunës. Kjo pagesë ka përfshirë shtatë (7) faturat e vitit 2015. Me rastin e rishikimit të faturës së datës 31.08.2015 kemi vërejtur se brigada e zjarrfikësve kishte harxhuar 1,565 litra për një muaj apo 52 litra në ditë. Sipas një parallogaritje kemi vërejtur se vetëm automjeti i ashtuquajtur Volvo është furnizuar për këtë muaj 450 litra. Ne nuk kemi gjetur ndonjë përshkrim për aktivitetin e këtij automjeti. Mungesa e raporteve për aktivitetet e kryera për çka ishin shpenzuar derivatet e naftës, mund te ketë si rrezik që shpenzimet e ndodhura të mos justifikohet me shërbimet e ofruara”, thuhet në raportin e Auditorit.
Si prioritete të larta nga Auditori janë specifikuar edhe mospërputhjet e raporteve për mirëmbajtjen e rrugëve, shpenzimet për shërbimet e veçanta, mos-arkëtimi i qirasë nga prona publike, mungesa e plotësimit të formularëve për ndërtime pa leje etj.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite