Kompanitë e transportit privat nuk po i zbatojnë masat ndaj pandemisë COVID-19

12:11 | 5 Shtator 2020
Arbresh.info

Masat e sigurisë të transportit publik për të parandaluar përhapjen e Covid-19 nuk janë duke u zbatuar sa duhet.

Përveç ambienteve publike, masa të tilla nuk po respektohen në sektorin e transportit privat, shkruan arbresh.info.

Pavarësisht që është kërkuar nga vendimet e qeverisë që nëpër autobusët urban dhe ndërurban qytetarët të bartin maska si masë parandaluese ndaj koronavirusit kjo gjë nuk po zbatohet plotësisht.

Në autobusët e sektorit privat shihen shumë udhëtarë të grumbulluar e duke mos e respektuar distancën.

Ndërkaq, masat po respektohen në autobusët e ndërmarrjes së Trafikut Urban.

Në këta autobusë udhëtarëve pa maska nuk u lejohet të hipin ndërkaq distanca është e paracaktuar me rregulla që të kenë sa më pak, ndryshe nga ai privat që ka grumbullime./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm