Komandanti i KFOR-it takohet me kryetarin e Pejës

16:13 | 8 Gusht 2023
E.G

Komandanti i KFOR-it, Angelo Michele Ristuccia ka vizituar Pejën ku është takuar me kryetarin e kësaj komune, Gazmend Muhaxheri.

Bashkë me kryetarin, Ristuccia kanë vizituar qytetin, shkruan Arbresh.info.

Ndër të tjera, ata kanë vizituar edhe Patriarkatin e Pejës.

“Komandanti i misionit #KFOR të udhëhequr nga NATO, gjeneralmajor Angelo Michele Ristuccia, ka vizituar qytetin e Pejës-Peç dhe është takuar me kryetarin e komunës, z.Gazmend Muhaxheri. Së bashku me kryetarin e bashkisë dhe komandantin e RC-W, kolonel Gabriele Vacca, ai bëri një turne në qendër të qytetit.”, thuhet në njoftimin e KFOR-it.

“Ata vizituan edhe Patriarkanën Pejë-Peç ku murgeshat ilustruan të gjitha detajet e këtij objekti të lashtë dhe të rëndësishëm fetar. Komuna e Pejës-Peç është nikoqire e Komandës Rajonale të KFOR-it-Perëndim, e cila është përgjegjëse për të gjithë zonën perëndimore të Kosovës.”, thuhet tutje./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm