Me datë 13.10.2022, Drejtori i Drejtorisë Rajonale të Policisë në Pejë, Kolonel Shaban Shala me bashkëpunëtor ka vizituar drejtoritë komunale të arsimit në Pejë dhe Istog.

Kolonel Shala ka mbajtur takim pune në ambientet e drejtorisë komunale të arsimit në Pejë, me drejtorin e kësaj drejtorie  Naser Gega, drejtorët e shkollave të mesme të larta dhe kryetarin e këshillit të prindërve në Pejë.

Po ashtu Kolonel Shala me bashkëpunëtorë kanë mbajtur takim pune me drejtorin komunal të arsimit në Istog,  Naim Behluli, i pranishëm ishte edhe Kryetari i Komunës së Istogut Ilir Ferati, gjithashtu drejtoret e shkollave të mesme të larta dhe kryetaret e këshillit të prindërve.

Në takime është biseduar lidhur me zbatimin e planit operativ “Siguria në shkolla” 2022/23, si dhe rritjen e bashkëpunimit në mes të DKA-ve dhe Policisë në parandalimin dhe luftimin e dukurive negative.

Nga drejtoret e drejtorive komunale të arsimit, është premtuar bashkëpunim me Policinë për sigurinë në shkolla, dhe takimet e nivelit të tillë do të vazhdojnë edhe në të ardhmen. /arbresh.info/