Kryetari i Komunës së Prishtinës, Shpend Ahmeti, ka folur për përplasjen mes Qeverisë së Kosovës dhe administratës së presidentit amerikan, Donald Trump, për heqjen e tarifës ndaj mallrave nga Serbia. Ahmeti e ka këshilluar kryeministrin Albin Kurti që “të shtrëngohet”.
Nga Uashingtoni sot kanë ardhur paralajmërime se Amerika mund t’i tërheqë trupat e saj ushtarake nga Kosova, nëse qeveria e Albin Kurtit nuk vepron sipas këshillave të administratës Trump.
“Situata nuk është e thjeshtë dhe nuk është për t’u relaksuar sikur nuk është asgjë. Nuk është mirë ta testojmë gatishmërinë e Amerikës sepse e kanë dëshmuar që e kanë guximin të marrin vendime të papritura dhe nuk do të ishte larg mendsh që mund të marrin një vendim të tillë që është tërheqja e trupave. Marrëdhëniet ndërkombëtare pak janë të bazuara në drejtësi, ato janë të bazuara në interesat e shteteve”, deklaroi Ahmeti në KTV.
Sipas Ahmetit, kryeministri Kurti nuk ka dashur të përgjigjet në telefonatat e zyrtarëve amerikanë dhe ka dhënë arsyetime boshe se telefonata ka ardhur shumë vonë.
“Ambasada të njofton disa orë përpara se do të pranosh thirrje. Kurti më mirë është të thotë se nuk kam dashur të përgjigjem dhe të shtrëngohet se çfarë presioni duhet të presë, e jo të japë arsyetime boshe”, shtoi ish-anëtari i Lëvizjes Vetëvendosje, Shpend Ahmeti.
Raphael Varane pensionohet nga futbolli në moshën 31-vjeçare
Osmani takon presidentin e Mauritanisë, e falënderon për mbë...
Fillon Projekti për Përzgjedhjen e Mjekut Familjar në tërë t...
Trupa shtesë të Britanisë do të vendosen përkohësisht në Kos...
Franca premton 60 milionë euro në mbështetje të sektorit ene...
Vuçiq bisedon për Kosovën me presidentin e Iranit dhe shefin...