Kishte tumor ngjitur për aortën abdominale, 26 vjeçari operohet me sukses në QKUK

13:16 | 14 Tetor 2021
A. B.

Shërbimi Spitalor Klinik e Universitar i Kosovës ka njoftuar se një pacient i moshës 26 vjeçare, të cilit i ishte shfaqur një masë tumorale, ngjitur për aortën abdominale dhe te vena kaven, është operuar me sukses në Klinikën e Urologjisë të QKUK-së.

Sipas një njoftimi të SHSKUK-së në ‘facebook’, operimi është bërë nga ekipi i Klinikës së Urologjisë dhe Kirurgjisë Vaskulare së bashku me anesteziologët dhe stafin përcjellës, shkruan arbresh.info

Pacienti ishte operuar me herët nga tumori në testise dhe pas rezistencës në kemioterapi dhe rrezatim, ishte zgjidhja e vetme intervenimi kirurgjik.

Tri ditë pas qëndrimit në spital, pacienti është liruar në shtëpi në gjendje të mirë shëndetësore. / arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm