Deputetja e Lidhjes Demokratike të Kosovës, Doarsa Kica-Xhelili ka shkruar pas reagimeve të ambasadorit të BE-së, Tomas Szunyog dhe atij gjerman, Jorn Rohde të cilët shprehën shqetësimin për “gjuhën linçuese e të urrejtjes” ndaj jursites së medias, Flutura Kusari.
Sipas saj, këto reagime janë alarm shoqëror për të gjithë dhe jo vetëm për Flutura Kusarin, shkruan Arbresh.info.
“Një moment si ky, kur ambasadori i BE dhe ai Gjerman në Kosovë shfaqin shqetësim të hapur për gjuhën linçuese e të urrejtjes ndaj një aktivisteje si Flutura, është alarm shoqëror për të gjithë, jo vetëm për të.”, shkroi ajo në Facebook.
“Kushdo që e mbështet atë diskurs, e mbështet linçin dhe urrejtjen, dhe si i tillë nuk përkon me ëndrrën pro-evropiane.”, tha ajo.
Tutje deputetja opozitare tha se kjo gjuhë përveç se nuk është liri e shprehjes, është cënim i drejtëpërdrejtë i integritetit dhe siç tha ajo ka tendencë të rrezikimit të sigurisë individuale.
“Ndërkohë, si politikë duhet ta rimendojmë adresimin e këtij fenomeni. Kjo gjuhë nuk guxon të kalojë në këtë formë pa u sanksionuar. Kjo përveç se nuk është më liri e shprehjes, është cënim i drejtpërdrejtë i integritetit e madje shpesh ka tendencë të rrezikimit të sigurisë individuale.”, shkroi deputetja Kica-Xhelili./Arbresh.info.
Irani thotë se nuk do të dërgojë ushtarë për ta luftuar Izra...
“Është e vështirë ta shoh atë kështu”, Bellingham flet për g...
Policia në Shtime me aksion për largimin e veturave nga trot...
Ministri Hoxha propozon Ilir Prodën, Drejtor të Përgjithshëm...
MSh dhe IKShPK nesër shënojnë Ditën Ndërkombëtare të Persona...
Skandali i Diddy/Beyonce-s i bie numri i ndjekësve në “Insta...