Google ADS

KFOR-i jep detaje për situatën ne veri të Kosovës

08:58 | 6 Gusht 2018
V. S.

Misioni i NATO-s në Kosovë, KFOR, përmes një komunikate për media ka bërë të ditur se nuk ka bllokim të digës së Ujmanit dhe se situata është e qetë dhe nën kontroll.

“KFOR-i nuk ka marrë kontrollin mbi digën e liqenit të Ujmanit. KFOR është këtu për të mbrojtur të gjithë qytetarët në Kosovë”, thuhet në një komunikatë për media, sipas së cilës KFOR-i në Kosovë po kryen detyrën normale nën mandatin e Rezolutës 1244.

Ndërkohë, mediat serbe kanë raportuar lidhur me praninë e KFOR-it afër liqenit të Ujmanit.

“Kishte gjithsej nëntë automjete luftarake të forcave amerikane dhe disa dhjetëra ushtarë në terren. Dhe nga komanda e KFOR-it në Prishtinë dje u njoftua se ishte një aktivitet i paracaktuar dhe se nuk kishte të bënte me vendosjen nën kontrollin e liqenit Gazivodës”, shkruajnë mediet serbe, përcjell Telegrafi.

Shpërndaje në rrjete sociale

Lajmet më të lexuara

Të ngjashme

Foto lajm