Këshilltari i Behgjet Pacollit, Jetlir Zyberaj po i hedh poshtë pretendimet e ministrit të jashtëm serb Ivica Dacic, i cili tha se shumë shtete po e shqyrtojnë tërheqjen e njohjes së pavarësisë së Kosovës. Madje krejt këto, ai po i quan çmenduri të ministrit serb. Zyrtari i MPJ-së, paralajmëroi se shumë shpejt vendit do t’i shtohen njohje të reja. Por, së fundmi, Dacic, tha se edhe Surinami e kishte tërhequr njohjen ndaj Kosovës, derisa zyrtarët qeveritarë mohojnë të kenë pranuar ndonjë i informatë nga ky shtet.
I zëshëm është bërë prapë, ministri i Punëve të Jashtme Ivica Dacici kur bëhet fjalë për njohjet që deri më tani i ka siguruar Kosova, e që numri i tyre shkon në 114. E nisi me shtetin e Surinamit, duke thënë se ky shtet e ka revokuar vendimin e mëparshëm në njohjen e Kosovës, për të vazhduar edhe sot me deklarata të ngjashme.
“Shumë shtete po shqyrtojnë tërheqjen e njohjes për Kosovën Unë kam biseduar me ministrat e vendeve që nuk e kanë njohur Kosovën dhe ata vazhdojnë të qëndrojnë në pozicionin e njëjtë. Fola edhe me ministrat e vendeve që e kanë njohur, dhe ata po shqyrtojnë vendimet e tyre”, u shpreh Dacici për një media serbe.
Megjithëkëtë, këshilltari i Pacollit, Jetlir Zyberaj, duke i komentuar këto deklarata, tha për Express se Dacic është mësuar në humbjen e betejave dhe se procesi i shtetndërtimit të Kosovës është i pakthyeshëm.
“Dacici është mësuar me humb beteja dhe luftëra në raport me Kosovën. Republika e Kosovës nuk varet nga deklaratat e Dacicit dhe as nga çmenduritë e tij. Procesi i forcimit dhe konsolidimit te shtetit tone është i pakthyeshëm”, u shpreh ai.
Zyrtari i MPJ-së paralajmëroi se shumë shpejtë Kosovës do t’i shtohen edhe njohje të reja dhe se në këtë drejtim, është duke u bërë një punë e jashtëzakonshme.
Zëvendëskryeministri dhe ministri i Jashtëm serb, Ivica Daçiq, kohë më parë tha se shteti i Surinamit që e ka njohur Kosovën në korrik të vitit 2016, e ka tërhequr njohjen.
Nga ana tjetër ende nuk dihet nëse vërtet ka një vendim të tillë nga ky shtet, apo bëhet fjalë vetëm për propagandë nga ana e Serbisë. Deri më tani Kosova nuk ka marrë informacion zyrtare nga Surniami.
Daçiq ka thënë se ka marrë njoftim nga Ministria e Jashtme e Surinamit rreth këtij vendimi pas bisedimeve të gjata me këtë shtet.
“Nota për tërheqjen e vendimit ka ardhur më 30 tetor. Ky vendim tregon se duhet këmbëngulje, biseda me të gjithë nëse mendojmë se Kosova është interes nacional i yni”, kishte thënë Daçiq.
Dubois ‘i fik dritat’ Joshuas dhe mbron titullin...
Sekretet e mbijetesës në orbitë
”Google” shton rregullat, kontrolle kundër falsifikimeve dhe...
Kur barnat kundër dhimbjeve fillojnë të ndikojnë?
Consumer Reports zbulon dhjetë veturat më të mira dhe më të ...
10 këshilla që fëmija juaj të krijojë zakone të shëndetshme ...