Ilir Kërçeli, këshilltari i kryetarit të Kuvendit, Glauk Konjufcës ka thënë se qytetarët serb të Kosovës nuk e kanë përkrahur sulmin ndaj Policisë së Kosovës nga kriminelët serb në veri, për të cilin tha se është i organizuar nga Serbia.
Me anë të një postimi në Facebook, Kërçeli ka thënë se presidenti i Serbisë, ua ka lënë fajin qytetarëve serb në komunat veriore për vrasjen e policit të Kosovës, shkruan Arbresh.info.
“Qytetarët serb të komunave veriore, janë qytetarë të Republikës së Kosovës. Ata dje nuk e përkrahen krimin e organizuar të orkestruar nga Serbia. Grupet terroriste te financuara direkt nga Beogradi, nuk arritën të gjejn përkrahje nga qytetarët e asaj pjese të Republikës së Kosovës”, ka shkruar Kërçeli.
“Gjatë tërë ditës Presidenti i Serbisë apo ish ministri i propagandës në kohen e kasapit të ballkanit, spostonte kohën kur do dilte në konferencë për të menduar se cfarë do të ishte propagandimi i radhës. Në fund të ditës zgjodhi se fajin për sulmin ndaj policisë së Kosovës dhe vrasjen e policit të ndjerë Afrim Bunjaku t’iua faturonte qytetarëve serbë të komunave veriore”, shtoi ai.
Sipas Kërçelit, Vuçiq ka provuar përsëri t’i përdorë qytetarët serbë për kalkulimet e tij fashiste, e për të mbrojtur e amnistuar grupet e tij kriminale./Arbresh.info
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
Përfundon intervistimi i Dejona Mihailit, nuk flet për media
Vdes 111 vjeçarja nga Ferizaj, Xhezide Alija, një ndër gratë...
Termat “Prindi 1” dhe “Prindi 2”, Pacolli:...
“U qëllua me 6 plumba prapa shpinës”, detaje për incidentin ...