Prokuroria Themelore në Prishtinë, ka njoftuar se ka kërkuar caktimin e masës së paraburgimit në gjykatën kompetente, ndaj të pandehurit B.G., i cili është ndaluar me urdhër të prokurorit më 19 maj 2024.
Me datën 19.05.2024, rreth orës 00:30 min, në Graçanicë, më konkretisht në një autolarje, në bashkëkryerje me një të mitur (i cili gjendet në arrati), me qëllim të përfitimit të kundërligjshëm pasuror, kanë hapur me forcë aparatet e autolarjes dhe nga aty kanë marrë para metalike në vlerë prej 500 eurosh, duke i shkaktuar të dëmtuarit dëm pasuror.
“Po ashtu, në ditën e njëjtë, i pandehuri i lartcekur në bashkëkryerje me të miturin, në fshatin Uglarë, për qëllime të njëjta, kanë hapur me forcë bankomatin që shërben për këmbimin e parave nga ato të letrës në ato të metalta, si dhe kanë hapur të gjitha arkat e tjera dhe nga aty kanë marrë para në vlerë prej 3600 euro, e më pastaj me taksi janë larguar nga vendi i ngjarjes. Me këto veprime kanë kryer veprën penale “Vjedhja e rëndë”, sipas KPRK-së”, bëhet e ditur në njoftim.
I pandehuri B.G., dyshohet se ka kryer këto vepra penale, sipas KPRK-së.
“Gjithashtu, bëhet e ditur se i pandehuri B.G., dyshohet se ka kryer veprën penale “Mbajtja në pronësi, kontroll ose posedim të paautorizuar të armëve” dhe “Posedimi i paautorizuar i narkotikëve, substancave psikotrope ose analoge”, sipas KPRK-së”, thuhet në njoftim./Arbresh.info/
SHBA ka shpresa për një marrëveshje mes Izraelit dhe Hamasit
Pas akuzave të reja, Andrew Tate lihet sërish në arrest shtë...
“Evitoni udhëtimet në rajon”- Haradinaj paralajmëron veteran...
Dhjetëra refugjatë ukrainas detyrohen të flenë në rrugët e H...
Mbyllet ndeshja, Drita pëson humbje të hidhur ndaj Legias
Drita e shpartalluar, Legia shënon edhe golin e dytë