Në njërën prej pikave më të frekuentuara të kryeqytetit, atë te rrethi i flamurit afër mbikalimit, qytetarët po zgjedhin të kalojnë rrugën në vendin ku është e ndaluar, ani pse pak metra nga aty, e kanë vendkalimin për këmbësorë.
Madje, disa prej tyre, përveç vetes i rrezikojnë edhe fëmijët e tyre. E njësoj veprojnë edhe të moshuarit.
Por disa qytetarë kërkojnë ashpërsim të masave për të gjithë ata që shkelin rregullat e trafikut, qofshin ata edhe këmbësorët.
“Jo vend e pa vend nuk kalohet rruga kurrsesi, sepse i bën dëm vetit së pari por edhe tjetrit. Për atë pastaj bëhen ndeshjet e pastaj po vdesin, të gjitha të këqijat po bëhen sepse nuk ka dinjitet, nuk ka kulturë, nuk ka vetëdije”, tha për RTK-në Ajete Berisha, qytetare.
E një banor tjetër i kryeqytetit, Gani Ramizi, tha se kalimi i rrugës në vendin ku është e ndaluar, e rrezikon jetën e secilit.
Edhe më i ashpër është shprehur Mehmet Makolli, një tjetër qytetar: “Vend e pa vend po kalojnë, le t’i shkelin. Për çka i kanë vendos vijat. Ata nuk kanë qenë budalla që i kanë vendos vijat ku bëhet kalimi”, tha ai.
Sipas statistikave të Policisë së Kosovës, gjatë vitit 2023, 30 këmbësorë kanë humbur jetën, ndërsa 33 në vitin 2022.
Goditet një laborator i drogës në Prishtinë, Sveçla thotë se...
Islami: E gjithë kjo iniciativë e Serbisë është luftë për do...
Vrasja në Aktash/ Paneli për Lirim me Kusht kishte vendosur ...
Hasani në OKB, pritet firmosja e marrëveshjeve për liberaliz...
Profesori serb: Politika e Millosheviqit është rikthyer në S...
Alarmi taktik i Kurtit për rrezikun e konflikteve nga Serbia