Google ADS

Kelmendi: Qeveria Hoti sonte do të duhej të jepte dorëheqje

07:53 | 3 Tetor 2020
Arbresh.info

Ish-Deputeti i Kuvendit të Kosovës, njëherësh kreu i partisë Fjala, Gëzim Kelmendi ka kritikuar qeverinë Hoti përmes një fotografie të postuar ku shihet kryeministri dhe ministrat e tij në autobus pa maska dhe distancë rrugës për Tiranë.

Kelmendi thotë se qeveria na porosit se kështu shkelet ligji teksa thekson se kjo qeveri sonte do të duhej të jepte dorëheqje.

“Qeveria e Kosovës porositë: kështu shkelet ligji! Qeveria e Kosovës sot gjatë udhëtimit me autobus na ka treguar se kështu duhet shkelur ligji nga ata që kanë pushtet.Pa maska, pa distancë. Ndërsa qytetarët duhet dënuar kudo që i zeni në rrugë, në veturë dhe kudo që nuk vendosin maska dhe nuk respektojnë distancën. Nëse ka një pikë ndërgjegje, kjo qeveri do të duhej sonte të jepte dorëheqje”, ka deklaruar Kelmendi.

Shpërndaje në rrjete sociale

Lajmet më të lexuara

Të ngjashme

Foto lajm