Deputeti i LDK-së, Ramiz Kelmendi ka thënë se marrëdhëniet tona me SHBA-të janë rrezikuar seriozisht.

Kelmendi përmes një postimi në Facebook, ka thënë se ftesa e sërishme e mikut tonë SHBA-së, për taksën 100% ka arritur kulmin e anashkalimit, ndërsa kërkesa e BE-së as që merret parasysh.

“Institucionet janë përgjegjëse për mos-heqjen e taksës, duke filluar nga lartë e deri te qeveria. Nuk ju arsyeton askush që ekziston pa dëgjueshmëri institucionale, sepse kur vendosëm taksën, deshëm të përfitonim popullizëm se kush ishte iniciatorë dhe kush ekzekutor i këtij vendimi dhe nga kjo doli se takimi me ambasadorin e SHBA-së në Kosovë ishte vërtetim se taksa është në rregull dhe se marrëdhëniet tona janë të shkëlqyera”, ka shkruar Kelmendi.

Postimi i plotë:

Marrëdhëniet tona me SHBA-të janë rrezikuar seriozisht ndërsa me BE-në nuk ekzistojnë
Ftesa e sërishme e mikut tonë SHBA-së, për taksën 100% ka arritur kulmin e anashkalimit, ndërsa kërkesa e BE-së as që mirret parasysh. Mos anashkaloni kërkesat e SHBA-së sepse po e rrezikoni shtetësinë, e mos të flasim për pozitat tuaja politike sot dhe në të ardhmen, ku gjeneratat e patriotëve me shekuj kanë punuar për këtë pavarësi duke qenë edhe brezi ynë dhe ju që të jemi gjalllë. Mos e harroni këtë arritje miqësie për të cilën kontribuan edhe ata bashkëluftëtarë dhe familjarë që dhanë jetën për këtë Kosovë.

Lexova se presidenti serb Vuçiq po e falënderon Turqinë po që se arrijti të bindë institucionet kosovare për ta hequr taksen 100%. Ky është dëmi më esencial që po i bëhet institucioneve duke kosideruar se Be-në as që e trajtuat si partnerë, mik apo për interes. Anashkaluat tërësisht kërkesat e tyre dha ata u bënë pa influencë tek ju, ndërsa tani keni arritur kulmin e anashkalimit të SHBA-së. Tani po del se institucionet e Kosovës ju nënshtruan tërësisht influencës fetare, apo po i shkojmë për shtati thënieve të Serbisë që po akuzon së BE dhe SHBA po ndërton shtet islamik ne territorin e BE-së. Nga kjo del se po rrezikohet e ardhmja shtetërore dhe kombëtare.

Institucionet janë përgjegjëse për mos-heqjen e taksës, duke filluar nga lartë e deri te qeveria. Nuk ju arsyeton askush që ekziston padëgjueshmëri institucionale, sepse kur vendosëm taksën, deshëm të perfitonim populizëm se kush ishte iniciatorë dhe kush ekzekutor i këtij vendimi dhe nga kjo doli se takimi me ambasadorin e SHBA-së në Kosovë ishte vërtetim se taksa është në rregull dhe se marrëdhëient tona janë të shkëlqyera. Kjo kishte me qenë korrekte, po që se do të zbatoni kërkesën e tyre.

Andaj, ju rekomandoj se nga ai takim duhet të dilet para opinionit dhe te cekej se Kosova si shteti më pro amerikan, po e heq taksën si kërkesë edhe pse Serbia i ka shkaktuar dëm në arenën ndërkombëtare dhe ne pa mikun tonë SHBA-të jemi fare të pandikueshëm edhe në zgjedhjen e çështjeve tona.

Por e vërteta dëshpëruese është se nga ai takim ne dolëm se një gjë e tillë nuk kishte qenë kërkesë serioze dhe jo ndikuese në raportet tona të palëkundura, thuajaj se ambasadori amerikan erdhi për një kafe në Kuvendin e Kosovës, e jo për respektimin e kërkesës së tyre. Këtë mjegullim e ndihmuan disa gojë-gojësh duke përkrahur dhe mbështetur institucionet dhe individët që ju i bëtë të qëndrueshëm në vendimet e juaja dhe zbatimin e tyre. Këta gojë-gojësh po e dërgojnë Kosovën në humnerë. Si tejkalohet kjo situate në qarqet politike tek SHBA ku ka influenca lobi rus, serb, kinez dhe të tjerë.

Edhe njëherë po e potencoj, lidershpi jonë gaboi kur u mundua që pas takimit me ambasadorin amerikan, doli se kinse ne nuk kemi nevojë këtë taksë ta lëvizim përjetë, duke e ditur se pala serbe ka vënë kushte që nuk shkon në dialog pa u hequr taksa. Serbia vazhdon të vajtoj në arenën ndërkombëtare për dëmin që po i sjellë taksa dhe po fiton mbështetës për këtë çështje ndërsa ne kërkojme garancë nga SHBA-të se çështja do duhet të mbyllet shpejt dhe sipas interseave tonë. Kjo tingëllon bukur dhe mirë nga ana jonë, por shtrohet pyetja; Kush jemi ne të bëjmë këso kërkesa, këso kushte. Kush e formoj shtetin e Kosovës, kush e formoj ushtrinë për të cilën mburremi ? Pra, edhe për ushtrinë, meritore është SHBA-ja dhe ministri amerikan i mbrojtjes.

Nëse besojmë qe jemi shtet, qeveria mundë të sjelllë këso taksash dhe reciprocitete çdoherë, në çdo moment, duke u konsultuar me SHBA-të dhe BE-në dhe duke pasur mbeshtetës të gjithë qytetarët e Kosovës. Kjo sepse vetëm nëse këta miq qëndrojnë pas vendimeve, këto vendime japin rezultatet e veta të pakontestueshme në aspektin e shpenzimit të të gjitha kushteve të ofruara.

Miku yne SHBA-ja e ka theksuar se interesat strategjike të saj nuk lejojnë të cenohen. Është interes strategjik amerikan qe edhe shteti i fundit që mbështet Rusinë, Serbia, në vazhdimësi të jetë pjesë e BE-së dhe me ketë do arrihet që sanksionet e BE-së dhe SHBA-së ndaj Rusisë dhe politikave të saj hegjemoniste të permbyllen me sanksionet që Serbia do i bëjë ndaj mikut të madh të saj Rusisë.

Unë, personalisht e mbështes taksën si mjet për arritjen e qëllimeve politike të domosdoshme dhe e mbështes deri sa të pranojnë realitetin e Kosovës së pavarur si dhe respektimin e institucioneve kosovare nga Serbia dhe nga pakica serbe që është drejtpërdrejt e ndikuar.