Kelani: Sivjet, 23 raste të kanosjes së gazetarëve

11:19 | 2 Nëntor 2017
Arbresh.info

Baki Kelani nga Policia e Kosovës ka bërë të ditur se deri në tetor të këtij viti janë evidentuar 23 raste të kanosjeve që janë bërë ndaj mediave.

Kelani ka deklaruar se pa një mbrojtje të mirëfilltë ndaj gazetarëve, nuk do të ketë liri të shprehjes dhe punës së gazetarëve, shkruan arbresh.info.

“Jemi munduar që në maksimum tu dalim në ndihmë gazetarëve dhe t’i mbrojmë aty ka ku nevojë sepse kryejnë një punë të shenjtë. Jemi angazhuar si institucion por jam angazhuar edhe personalisht që të ofrojmë siguri për gazetarët sepse e kemi obligim ligjor. Deri në gusht, 21 raste janë raportuar në Kosovë, deri në muaji tetor ky numër ka shkuar deri në 23 raste që janë evidentuar në Polici për kanosje ndaj gazetarëve”, ka thënë Kelani.

Sipas tij, gjatë vitit të kaluar janë raportuar 17 raste të kanosjes ndaj gazetarëve./arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm