Google ADS

Katër të vdekur në një aksident rrugor në hyrje të Shtimes

20:31 | 22 Shkurt 2023
E.H

Katër persona kanë vdekur si pasojë e një aksidenti rrugor në magjistralen Ferizaj – Shtime.

Lajmin për arbresh.info e ka konfirmuar Zëdhënësi i Policisë së Kosovës për Rajonin e Ferizajt, Kanun Veseli.

Veseli njoftoi se në këtë aksident janë përfshirë tri automjete me targa vendore.

Vdekja e katër personave është konfirmuar nga mjekët në vendin e ngjarjes.

“Rreth orës 19:15 Policia Rajonale e Ferizajt ka pranuar një informacion se në aksin rrugor Ferizaj -Shtime, në hyrje të Shtimes, ka ndodhur një aksident komunikacioni ku janë përfshirë tri automjete të udhëtarëve, vetura me targa vendore. Si pasojë e këtij askidenti, 4 persona kanë humbur jetën, vdekja e të cilëve është konfirmuar nga mjekët në vendin e ngjarjes”, ka deklaruar zëdhënësi i Policisë në Ferizaj.

Ekipe të Emergjencave janë në vendin e ngjarjes dhe po ashtu Njësia e Hetimeve të Komunikacionit Rrugor ka nisur hetimet.

 

Shpërndaje në rrjete sociale

Lajmet më të lexuara

Të ngjashme

Foto lajm