Google ADS

Katër të plagosurit në Lupç të Podujevës janë familjarë

19:08 | 1 Maj 2024
E.H

Katër personat e plagosur në Lupç të Podujevës janë familjarë mes vete, tre nga ta janë plagosur me armë zjarri ndërsa njëri me thikë.

Në një prononcim për Arbresh.info zëdhënësja e Prokurorisë Themelore në Prishtinë, Laureta Ulaj, ka thënë se deri te ngjarja dyshohet se ka ardhur pas një mosmarrëveshje mes disa familjarëve.

Ajo theksoi se një person i dyshuar është dërguar në stacionin policor për tu intervistuar.

“Nga hetimet fillestare dyshohet se pas një mosmarrëveshje mes disa personave (familjarë), në fshatin Lupç, si pasojë e të shtënave me armë zjarri dhe përdorimit të thikës, janë lënduar katër (4) persona, të cilët janë dërguar për ta marrë trajtimin e nevojshëm mjekësor, derisa një (1) person i dyshuar në këtë ngjarje është shoqëruar në stacion policor për tu intervistuar”, tha Ulaj.

Tutje, Ulaj tha se Prokurori i Shtetit, në koordinim me policinë janë duke i marrë veprimet hetimore në drejtim të veprës penale “vrasje në tentativë”./Arbresh.info

Lexo edhe:

Plagosen katër persona në Podujevë, policia jep detaje

Shpërndaje në rrjete sociale

Lajmet më të lexuara

Të ngjashme

Foto lajm