Mbrëmjen e sotme janë konfirmuar edhe tetë raste të reja me COVID-19 në Kosovë.
Sipas IKSHP-së, katër raste janë nga fshati Studime e Vushtrrisë, tre nga Prishtina dhe një nga Lugaxhi i Pejës, shkruan portali arbresh.info.
E katër rastet e reja në Vushtrri janë nga familja e njëjtë, të gjithë familjarë të pacientes së parë.
Të gjitha kontaktet që janë identifikuar deri më tani, janë në monitorim, bën të ditur kryetari i Komunës së Vushtrrisë Xhafer Tahiri.
“Sonte nga IKSHP janë konfirmuar 4 raste të reja kontakti me Covid-19 në Komunën e Vushtrrisë, të gjithë janë familjar me pacienten e parë. Të gjitha kontaktet që janë identifikuar deri më tani, janë në monitorim. Nuk ka vend për panik. Ftojmë qytetarët e Vushtrrisë t’i përmbahen udhëzimeve të institucioneve qendrore dhe lokale, të qëndrojnë në shtëpi, të mbajnë distancën fizike dhe të pastrojnë duart. Komuna do të qëndrojë pranë familjes në këto momente jo të lehta për ta”, tha ai.
Ndërkohë në Kosovë është shënuar edhe rasti i parë i shërimit./arbresh.info/
Oriola Marashi, e ‘zjarrtë’ në të kuqe
I shënoi dy gola Strasbourg-ut, Zhegrova në formacionin e ja...
Zelenskyy në SHBA për të prezantuar planin e ri të paqes
Takimi mes Ramës dhe Erdogan: Të forcojmë lidhjet dypalëshe
Haxhiu takon shefin e Zyrës së BE-së në Kosovë, flasin për r...
Haradinaj: FSK-në për dy vjet e lëshuan mbi 11 për qind e us...