Kur ishte hera e fundit që kaluat një periudhë stresi, qoftë për shkak të punës, financave apo familjes? A mund ta kujtoni mënyrën se si reagoi trupi juaj? Me siguri se nuk jeni ndjerë fare si vetja juaj!  

Ekspertët e shëndetësisë thonë se stresi mund të vijë me disa simptoma mjaft të habitshme – duke filluar nga harresa, mundimet, por edhe deri te skuqja e lëkurës, transmeton Telegrafi.

Pra, thënë më thjesht, trupi na tregon më së miri përmes shenjave të ndryshme kur jemi duke përjetuar stres, dhe ato shenja nuk duhet injoruar!

Dhimbjet e kokës

Shenja e parë e stresit e listuar nga Klinika Mayo është dhimbja e kokës. Në të vërtetë, stresi është shkaku numër një i dhimbjeve të kokës, të cilat mund të shkaktohen nga ajo që klinika i quan “irritues të përditshëm”.

Mënyra më e mirë për të trajtuar këtë lloj të dhimbjes së kokës është ta menaxhoni stresin, por duhet të kërkoni ndihmë mjekësore nëse dhimbja fillon të bëhet më e shpeshtë dhe ju pengon në jetën e përditshme.

Ndryshime në dëshirën seksuale

Nëse orët e gjata dhe të vështira në punë ju bëjnë më pak të interesuar për seksin, nuk jeni vetëm. Një ndryshim në dëshirën për seks është një tjetër simptomë e stresit që disa njerëz përjetojnë.

Mund t’ju duket e çuditshme, por lëkura është një barometër shumë i mirë i nivelit të stresit.

Elizabeth Lombardo, psikologe dhe terapiste, thotë se stresi mund të shkaktojë skuqje, pika të kuqe në krahë, stomak dhe fytyrë.

Dhimbje të muskujve

Ndoshta për dhimbjet e qafës ua lini fajin orëve të gjata pranë kompjuterit, por faktikisht ato mund të jenë simptomë e stresit.

Nëse besoni se jeni duke përjetuar ato simptoma të muskujve, provoni këtë ushtrim: Merrni 5 deri në 10 herë frymë thellë dhe përqendrohuni në zbutjen e zonës së tensionuar të trupit tuaj.

Për qafën, provoni ta rrotulloni ngadalë qafën ose kërkoni nga  bashkëshorti/ja një masazh të shpejtë të shpatullave.

Keni mundim

Ekspertët bëjnë të ditur se stresi ndikon edhe në stomak, ndërkaq mundimet dhe marramendjet mund të jenë produkt i brengave dhe stresit.

Jeni gjithmonë të përgjumur…

Ndiheni të përgjumur? Kjo mund të jetë si pasojë e stresit.

“Hormonet e stresit shkaktojnë që trupi të mbulohet me adrenalinë dhe pastaj të përfundoj duke u ndjerë i përgjumur. Stresi gjithashtu e dëmton edhe kualitetin e gjumit, dhe rrjedhimisht zgjoheni të lodhur”, thonë ekspertët. /Telegrafi/