Dogana e Kosovës ka kapur një sasi të konsiderueshme të mallrave të padeklaruara në pikën kufitare në Vërmicë.
Sipas njoftimit, vlera e këtyre mallrave është 7,900 euro, shkruan Arbresh.info.
“Në hyrje të Pikës Kufitare të Kontrollit në Vërmicë ka arritur një veturë e drejtuar nga shtetas turk. Në pyetjen e zyrtarit doganor nëse kishte diçka për të deklaruar për zhdoganim, ai është përgjigjur negativisht”, ka njoftuar Dogana.
Pas kontrollit të detajuar në vijën e dytë, së bashku me zyrtarët policorë, është zbuluar një sasi e konsiderueshme e mallrave të padeklaruara “Pjesë rezerve për makineri të rënda”.
Gjatë kontrollit, janë gjetur edhe fatura e blerjes së mallrave.
Tutje në njoftim thuhet se me këtë rast, Dogana ka konstatuar se pala, në kundërshtim me Kodin Doganor , ka shkaktuar kundërvajtje doganore.
Dogana ka njoftuar se mallrat janë konfiskuar dhe janë ndërmarrë veprimet e nevojshme ligjore./Arbresh.info/
“Kam trashëguar një skuadër të mirë nga Klopp”, Arne Slot re...
Vdekja misterioze e Tupac, hetuesja: P Diddy është i përfshi...
Kryesia e Kuvendit mblidhet nesër, këto janë pikat që do të ...
Taksistit në Prishtinë ia grabitin 100 euro nën kërcënimin e...
Policia ndalon dy persona në Zubin Potok, dyshohet se hynë i...
Gazeta spanjolle shkruan për Vlorën: Eksploroni perlën e fsh...