Kalon projektligji për verifikimin dhe konfiskimin e pasurisë, ministrja Haxhiu falënderon anëtarët e komisionit

12:28 | 25 Shtator 2024
E.H

Ka kaluar në parim projektligji për Byronë Shtetërore për Verifikimin dhe Konfiskimin e Pasurisë së Pajustifikueshme.

Ministrja e Drejtësisë, Albulena Haxhiu ka falënderuar anëtarët e Komisionit për Legjislaciont, të cilët ministrja paraqiti para tyre projektligjin, përcjell Arbresh.info.

“Sot, përpara anëtarëve të Komisionit për Legjislacion prezantova projektligjin për Byronë me fokus ndryshimet që ndërlidhen me adresimin e gjetjeve të Gjykatës Kushtetuese, siç janë retroaktiviteti, periudha e verifikimit, komisioni mbikëqyrës dhe ndarja e pushteteve”, thuhet në postimin e Haxhiut në Facebook.

“I falenderoj anëtarët e Komisionit për diskutimet dhe votimin e këtij projektligji të rëndësishëm që ka për qëllim ndjekjen e pasurisë së pajustifikueshme të zyrtarëve”, shkroi Haxhiu./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm