Google ADS

Kaçanik, qëllon një person me armë zjarri dhe largohet nga vendi i ngjarjes

18:42 | 6 Mars 2021
Arditë Shkodra

Një person është plagosur nga një i dyshuar në fshatin Doganaj të komunës së Kaçanikut.

Rastin për arbresh.info e ka konfirmuar zëdhënësi i Policisë së Kosovës në rajonin e Ferizajit, Agim Gashi.

Mësohet se i dyshuari është larguar menjëherë nga vendi i ngjarjes dhe personi i plagosur është dërguar menjëherë në QKMF dhe është jashtë rrezikut për jetë.

“Rreth orës 16:15 në fshatin Doganaj në Kaçanik ka ndodhur një përleshje mes dy personave ku njëri nga ta përdori armën e zjarrit, dhe ka plagosur personin tjetër në fjalë. Dorasi menjëherë pas kryerjes së aktit është është larguar nga vendi i ngjarjes. Policia ka dalë në vendin e ngjarjes me ndihmën e shpejtë të cilët e kanë transferuar viktimën në QKMF në Kaçanik dhe sipas mjekëve i plagosuri është jashtë rrezikut për jetë. Policia është duke i ndërmarrë veprimet policore për këtë rast”, tha ai./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm