Jep dorëheqje drejtori në detyrë i Spitalit të Ferizajt, Isa Berisha

16:51 | 16 Shtator 2022
E.H

Isa Berisha ka dhënë dorëheqje nga pozita e ushtruesit të detyrës së drejtorit të Spitalit të Përgjithshëm në Ferizaj.

Kjo është bërë e ditur nga Shërbimi Spitalor Klinik e Universitar i Kosovës, përmes një postimi në Facebook.

“Ushtruesja e detyrës së drejtorit të përgjithshëm të Shërbimit Spitalor Klinik dhe Universitar të Kosovës, Pranvera Zejnullahu- Raçi, ka aprovuar dorëheqjen e Dr. Isa Berisha, i cili ka ushtruar detyrën e drejtorit të Përgjithshëm të Spitalit të Ferizajt”, thuhet në njoftimin e SHSKUK-së në Facebook.

Ushtrues detyre i drejtorit të Spitalit të Ferizajt është caktuar Selajdin Sallahu.

“U.d. drejtoresha Zejnullahu- Raçi, ka mbajtur një takim të përbashkët, duke falënderuar Dr. Berishën për punën e deritanishme në menaxhim të Spitalit të Ferizajt, kurse Dr.Sallahut i ka ofruar përkrahje nga ShSKUK dhe suksese në menaxhim të Spitalit të Ferizajt”./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm