Presidenti i Kosovës Hashim Thaçi dhe ai serb Aleksandar Vuciç do të takohen të enjten në selinë e Bashkimit Evropian në Bruksel nën patronazhin e Përfaqësueses së Lartë të BE-së për Politikë të Jashtme dhe Siguri, Federica Mogherini.
Pritet një ndryshim i përshpejtuar i formatit të bisedimeve, shkruan e përditshmja serbe “Danas”.
Siç njoftoi Delegacioni i BE-së në Serbi, ata do të shkëmbejnë mendime për vazhdimin e dialogut për normalizimin e marrëdhënieve mes Kosovës dhe Serbisë, pas marrëveshjes së arritur në korrik në lidhje me fillimin e përgatitjeve për një fazë të re të dialogut. “Përfaqësuesja e Lartë dhe të dy presidentët do të diskutojnë gjendjen e procesit të zbatimit të marrëveshjeve të arritura gjatë dialogut”, thuhet në deklaratë.
Dusan Janjiç, kryetar i Forumit për Marrëdhënie Etnike, vlerëson për “Danas” se kjo do të jetë “një nga mbledhjet përgatitore për fazën e re të dialogut të Brukselit, i cili, ka mundësi, në të ardhmen do të mbahet në baza mujore”.
“Në disa takime të ardhshme do të përcaktohet forma dhe tema për negociata të mëtejshme për zgjidhjen e çështjes së Kosovës. Pritet që kjo fazë përgatitore të zgjat deri në fund të vitit 2017 ose në fillim të vitit të ardhshëm. Gjithashtu, pjesëmarrësit e takimit do të bëjnë një përmbledhje të asaj që është bërë dhe çfarë nuk është bërë, kur është fjala për marrëveshjet e arritura më parë. Ka shumë gjëra që nuk janë zbatuar, duke përfshirë edhe zgjidhjen e problemeve të tilla si komplikimet e paraqiturat në lidhje me numrin +381”, ka thënë ai, trasnmeton “Zeri.info”.
Janjiç thotë se Federica Mogherini “ka të ngjarë të ngelet në suazat e protokollit, të organizatorit të takimeve”, por pritet që së shpejti në dialog të përfshihen edhe disa nga evropianët dhe ndoshta amerikanët, të cilët do të jenë në rolin “operativ” në fazat e ardhshme negociatave.
Sipas “Danas”, është “pothuajse e sigurt” se së shpejti do të ndryshohet formati i negociatave të Brukselit, në mënyrë që bisedimet në nivelin më të lartë politik në të ardhmen të zhvillohet nga presidentët, jo kryeministrat, siç ishte rasti në fazat e mëparshme, dmth Vuçiç dhe Thaçi do të takohen në selinë e BE-së. Gazeta në fjalë shton se, se për t’u zyrtarizuar një vendim i tillë është e nevojshme për të marrë “dritën jeshile” të Kuvendit të Kosovës, i cili ende nuk është formuar.
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...