Jahjaga: Të dënohen kryesit dhe urdhëruesit e masakrës së Reçakut

10:42 | 15 Janar 2022
S D

Ish-presidentja e Kosovës, Atifete Jahjaga, ka kujtuar masakrën e Reçakut ku u vranë 45 civilë.

Ajo përmes një postimi në Facebook, ka thënë se kryesit e kësaj vepre duhet të dalin para drejtësisë.

“Sot kujtojmë një nga ditët dhe ngjarjet më të errëta të Kosovës- Masakrën e Reçakut, në të cilën forcat serbe vranë 45 civilë të pafajshëm. Përulemi para viktimave, ndërsa bashkëndjejmë me familjarët e tyre që i mbijetuan këtij krimi të tmerrshëm”, ka shkruar Jahjaga në Facebook.

“Kërkesa jonë për drejtësi, edhe 23 pas, mbetet e njëjtë dhe është më e zëshme se kurrë: të dënohen kryesit e kësaj vepre dhe ata që kanë urdhëruar e orkestruar krime si këtë masakër gjatë luftës në Kosovë”.

Ndërsa ka thënë se ideja se Serbia mund të ndërveprojë me Kosovën, si shtet fqinj i saj, pa i vënë para drejtësisë të gjithë kriminelët e luftës, është një iluzion makabër për të ardhmen.

“Kosova dhe qytetarët e saj duan drejtësi, paqe dhe stabilitet!”, ka shtuar ajo./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm