Marrëdhëniet e serbëve të Kosovës me Beogradin zyrtar po zbehen çdo herë e më shumë.

Kështu vlerëson lideri i Partisë së Serbëve të Kosovës, Aleksandar Jabllanoviq, në një intervistë për arbresh.info.

“Beogradi është i gabuar dhe atë gabimin e vetë e ka treguar atëherë kur me 4 qershor mua më kanë karakterizuar si barbar, përdhunues, si vrasës potencial, si njeriu i cili e ka ngritë pistoletën në Leposaviq duke kërcënuar serbët.”

Në këtë intervistë, ai ka dhënë detaje të përdorimit apo jo të pistoletës siç u bë bujë e madhe në medie.

“E vërteta ka qenë ndrysh edhe e vërteta gjithmonë ka mundësi të dalë në publik. Unë atë ditë as nuk e kam përdor revolen dhe kurrë në jetë nuk e kam përdor armën, incidenti ka ndodhur kur njerëzit /aktivistët e Listës Serbe të trimëruar nga deklaratat e mëparshme të Beogradit se në Kosovë duhet t’i qëroj hesapet me të gjithë serbët, të cilët nuk mendojnë ashtu siç mendon Beogradi zyrtar.”

Për Jabllanoviqin kjo nuk është e pranueshme duke thënë se është në vendin e tij, duke shtuar se realiteti aktual në hapësirat e Kosovës mund të mos i pëlqej, por është realitet që serbët e Kosovës po e jetojnë, shkruan arbresh.info.

“Pra, sot ju mund të jeni njeriu zyrtar, njeriu i Beogradit, njeriu i Serbisë, kurse nesër nëse nuk pajtoheni me politikën e cila vjen nga Beogradi, ju jeni automatikisht njeriu i perëndimit,  njeriu i Amerikës, ose njeriu i shqiptarëve.”

/arbresh.info/