Ja kush pritet të jetë i pranueshëm për Vetëvendosjen për kryetar të Kuvendit

09:38 | 3 Gusht 2017
L G

Deputetja e lëvizjes “Vetëvendosje”, Shqipe Pantina, ka thënë se deputetët e këtij subjekti nuk do ta votojnë Kadri Veselin për kryeparlamentar po që se ai kandidohet nga PAN-i.

“Deputetët e LVV-së nuk do ta votojnë Kadri Veselin nëse ai do jetë kandidati i PAN-it për kryetar Kuvendi dhe shpresoj se as deputetët e tjerë nuk do ta votojnë”, ka deklaruar ajo për “Zërin”.

Megjithatë, ajo ka thënë se brenda koalicionit PAN ka emra të tjerë të cilët janë të pranueshëm edhe për LVV-në.

“Besoj se brenda koalicionit PAN, pasi në bazë të vendimit të Gjykatës Kushtetuese u takon atyre pozita e kryeparlamentarit, ka deputetë që janë të pranueshëm edhe për grupet e tjera parlamentare dhe do të mundë ta drejtonin Kuvendin shumë më mirë se Veseli”, është shprehur Pantina.

Po ashtu edhe përfaqësuesit e koalicionit LDK-AKR-Alternativa kanë deklaruar disa herë se nuk do ta votojnë Kadri Veselin po që se ai kandidohet për kryetar të Kuvendit.

Shpërndaje në rrjete sociale

Lajmet më të lexuara

Të ngjashme

Foto lajm