Google ADS

Ja kur do bëhet ekzekutimi i 100 eurove për grupin e parë të studentëve

15:34 | 24 Nëntor 2022
L G

Brenda këtij muaji pritet të bëhet ekzekutimi i shtesave prej 100 euro për grupin e parë të studentëve aplikues.

Kështu bëri të ditur për arbresh.info zëdhënësi i Qeverisë së Kosovës, Përparim Kryeziu.

Ai tha se tashmë është themeluar komisioni përgjegjës për verifikimin e të dhënave të aplikimeve.

“Tashmë kemi themeluar Komisioni Zbatues, përgjegjës për verifikimin e të dhënave të aplikimeve. Ky komision është në komunikim të rregullt me Universitetet për konfirmimin e listave. Varësisht nga konfirmimet, po synojmë që brenda muajit të ekzekutojmë shtesat për grupin e parë e studentëve aplikues. Aplikimi për studentë për mbështetje nga ‘Pako për Përballje me Inflacion’, është hapur me 20 tetor 2022 dhe ka qenë i hapur deri më 6 nëntor, në platformën eKosova” tha Kryeziu.

Ndryshe, në mbledhjen e mbajtur me 30 shtator, Qeveria e Kosovës ka miratuar pakon për përballje me inflacionin, ku edhe është miratuar ndarja e 100 eurove në muajin nëntor për studentët./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm