Izolohen tërësisht edhe disa fshatra në Ferizaj

00:22 | 12 Prill 2020
Trina Galanxhi

Vendimi për karantinimin e Ferizajt është plotësur nga ministria e Shëndetësisë.

Kjo nënkupton edhe izolimin strikt të këtyre fshatrave si dhe zbatimin e masave parandaluese.

Njoftimi i plotë nga komuna e Ferizajt:

Plotësohet vendimi për karantimin e Ferizajt, izolohen edhe vendbanimet e të infektuarve, fshatrat Sazli, Mirash, Varosh, Neredime, Lloshkobare dhe lagja Topojani në Greme

Ministria e Shëndetësisë, mori vendim që të plotësoj vendimin për shpalljen e Komunës së Ferizajt – zonë karantinë, duke i shpallur fshatrat Sazli, Mirash, Varosh, Neredime, Lloshkobare dhe lagja Topojani në Greme – vatra të përhapjes së infeksionit, çka nënkupton izolimin e tyre dhe zbatimin strikt të masave parandaluese për përhapjen e virusit COVID-19.

Pra, përveç izolimit të Ferizaj, të izoluara do të jenë edhe fshatrat e lartpërmendura që të parandalohet shpërndarja e virusit.

Këtë vendim pranoi pak orë më parë nga Ministria e Shëndetësisë, Kryetari i Komunës së Ferizajt, Agim Aliu.

 

Shpërndaje në rrjete sociale

Lajmet më të lexuara

Të ngjashme

Foto lajm