Google ADS

Ismaili: Krenar që udhëheq një sektor ku gruaja është bartëse

16:12 | 8 Mars 2018
Arbresh.info

Ministri i Shëndetësisë, Uran Ismaili, në Ditën Ndërkombëtare të Gruas ka shpërndarë mirënjohje për disa nga doktoreshat dhe infermieret më të dalluara, duke shtuar se ndjehet krenar se udhëheq një institucion ku përqindja më e madhe e të punësuarve janë gra, njofton Klan Kosova.

“Në Ditën Ndërkombëtare të Gruas, sot u shpërndava mirënjohje dhjetë doktoreshave dhe infermiereve të SHSKUK-së, për kontributin e jashtëzakonshëm shumëvjeçar dhe për punën e palodhshme profesionale”, ka shkruar Ismaili në llogarinë e tij në Facebook.

“Jam krenar që udhëheq një sektor ku femra është bartëse e institucioneve mjekësore, me mbi 65 për qind të stafit”.

“Kjo festë na jep obligim që të mos harrojmë se barazia gjinore është parakusht për demokraci dhe zhvillim. Unë do të bëj gjithçka që është në dorën time për të lehtësuar sfidat që i keni në punën tuaj”.

Shpërndaje në rrjete sociale

Lajmet më të lexuara

Të ngjashme

Foto lajm