Google ADS

Ismaili: Do të rritet buxheti për shëndetësinë, por edhe llogaridhënia

12:06 | 7 Tetor 2017
Arbresh.info

Ministri i Shëndetësisë, Uran Ismaili, së bashku me anëtarët e ri të bordit drejtues të shërbimit spitalor dhe klinik universitar, menjëherë pas zgjedhjes se tyre, vizitën e parë së bashku e kanë bërë në Spitalin e Përgjithshëm të Prizrenit.

Ministri Ismaili ka thënë se do të rritet buxheti për shëndetësinë, por edhe kërkesa për llogaridhënie do të jetë më e madhe se në të kaluarën.

“Kam kënaqësinë që jam në Spitalin e Prizrenit që u shërben shumë qytetarëve”, ka thënë Ismaili.

“Ne e dimë që shëndetësia nuk është në gjendje siç ju e dëshironi, prandaj kemi vendos që të dalim në teren. Ne do ta rrisim buxhetin, por do të kërkojmë edhe llogaridhënie më të madhe dhe përgjegjësi më të madhe”.

Ndërsa drejtori i Spitalit, Afrim Avdaj, ka thënë se e kanë të qartë se ministria dhe ekipi i ri e kanë marrë seriozisht dhe me përkushtim ndryshimin e gjendjes për të mirë.

“Nuk kemi kohë për të humbur dhe së bashku shpresoj se do të bëjmë shumë për shëndetësinë”, deklaroi Avdaj.

Shpërndaje në rrjete sociale

Lajmet më të lexuara

Të ngjashme

Foto lajm