Google ADS

Ishte i dënuar për “uzurpim të paligjshëm të pronës së paluajtshme”, arrestohet në 4 të mëngjesit

09:35 | 20 Maj 2022
Fjolla Bajraktari

Policët e stacionit në Ferizaj nga Drejtoria Rajonale e Policisë në Ferizaj, sot në orët e hershme të mëngjesit , në ora 04:10, gjatë patrullimit në rrugën ‘’Brahim Ademi’’ në Ferizaj, kanë ndaluar një automjet me targa vendore dhe pas kontrollimit të automjetit dhe personave, është ndaluar një person me inicialet E.T (M/K) i moshës 49 vjeçar, thuhet në një komunikatë për media.

Ai ishte i kërkuar në bazë të urdhëresës së Gjykatës Themelore në Ferizaj për veprën penale ‘’Uzurpimi i paligjshëm i pronës së paluajtshme ’’ me dënim burgimi prej pesëmbëdhjetë (15) ditëve.

I njëjti më pas është shoqëruar në stacionin policor në Ferizaj dhe pas kompletimit të dokumentacionit është dërguar në vuajtje të dënimit.

Drejtoria Rajonale e Policisë në Ferizaj, do të vazhdojë me realizimin e urdhëresave të gjykatës ndaj personave që ende nuk iu kanë përgjigjur thirrjes së gjykatës./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm