Ish zyrtari i LDK-së, mbështet qëndrimin e Vjosa Osmanit rreth mocionit për rrëzimin e qeverisë

16:50 | 2 Prill 2020
L G

Ish-zyrtari i lartë i LDK-së, Eqrem Kryeziu, mbështet qëndrimin e Vjosa Osmanit në Kuvend, e cila votoi kundër mocionit të partisë së saj për rrëzimin e  Qeverisë Kurti,.

Kryeziu, thotë se nënkryetarja e LDK’së, Vjosa Osmani ka mbajtur qëndrim parimor në lidhje me mocionin për rrëzimin e Qeverisë Kurti.

Ai, përmes një postimi në faqen e tij në Facebook, ka shkruar se miqtë e tij në LDK, që kishin qëndrim të kundër me Osmanin, nuk duhet t’u mbetet hatri, sepse sipas Kryeziut, ata janë shumica.

“Nuk është e ndershme po nuk e pranuam botërisht se zonja Vjosa Osmani mbajti një qëndrim parimor për t’u admiruar në Kuvendin e Kosovës së fundmi. Sigurisht se kam miq në Lidhjen Demokratike të Kosovës që vepruan ndryshe nga Vjosa. Nuk do të dëshiroja ta ndiejnë veten të fyer nga deklarimi im, por ata mund ta ngushëllojnë veten, sepse janë më shumë”, ka shkruar Kryeziu./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm