Ish-deputetët e PDK-së vizitojnë krerët e UÇK-së në Hagë: Të gjithë janë me shëndet të mirë dhe disponim pozitiv!

22:12 | 3 Gusht 2022
L G

Ish-deputetët e Partisë Demokratike të Kosovës (PDK), Fatmir Xhelili dhe Nait Hasani, kanë vizituar sot ish-krerët e Ushtrisë Çlirimtare të Kosovës (UÇK) në Hagë.

Ata gjatë kësaj vizite janë takuar me ish-presidentin Hashim Thaçi, ish- kryeparlamentarët, Kadri Veseli dhe Jakup Krasniqi, Rexhep Selimi, ish krerëve të OVL UÇK-së, Nasim Haradinaj dhe Hysni Gucati, si dhe Pjetër Shala, shkruan arbresh.info.

Këtë e ka bërë të ditur përmes një postimi në Facebook, ish-deputeti i PDK-së, Fatmir Xhelili.

“Përshëndetje nga Haga! Në vizitë te bashkëluftëtarët tanë, Hashimi, Kadriu, Jakupi, Rexha, Nasimi, Hysniu dhe Pjetri! Të gjithë janë me shëndet të mirë dhe me disponim pozitiv! Përshëndetje nga ata për të gjithë ju, të nderuar!”, shkruan Xhelili./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm