Pas 1 ore ka përfunduar takimi i Kryetarit të LDK-së Isa Mustafa dhe deputetit të CDU-së Peter Beyer.

Pas takimit Kryetari Mustafa ka falënderuar deputetin për vizitën ndërsa ka treguar se i kanë prezantuar deputetit të CDU-së pikat kryesore të Qeverisë.

“Sot kishim takim më deputeterin e CDU-së dhe nuk është hera e parë që mbajmë takim më të. LDK dhe CDU janë anëtare të partive popullore dhe kemi një bashkëpunim të mirë. E njoftova për ecurit në LDK dhe për përgatitjet tona për zgjedhje dhe për premtimet që do ti bëjmë qytetarëve. Zonja Osmani i prezantoj pikat kryesore të Qeveris. Kërkova përkrahjen e CDU-së në këtë proces në mënyre që të kemi zgjedhje të mira dhe të pranueshme” tha Mustafa

E deputeti i CDU-së, Peter Beyer, tha se janë të pajtimit që mos të ketë ndryshim të kufijve ndërsa u shpreh i kënaqur që LDK s’ka hyr në koalicione parazgjedhore.

“Jam i lumtur që jam sot këtu. Ne se bashku jemi të interesuar që të shtyjmë proceset reformues përpara. Ne e mbështesim LDK-në dhe shpresojmë që kjo parti të ec përpara. Jemi të vetëdijshëm se kemi një kohë sfiduese përpara kur e dimë që keni përpara tema si arsimin e luftimin e korrupsionit dhe këto duhet të qoni përpara. Kam dy porosi, vërtet është gjë e mirë që keni një parti si LDK-ja që shpalosi një kandidate të tillë. Jemi të lumtur që LDK nuk ka hyrë në garë më koalicione pasi që se ka të nevojshme. Jemi të pajtimit që Kosova të jetë ashtu siç është pa ndryshime territoriale”.

Ndërsa lidhur më proceset e integrimit, deputeti Beyer tha se do të presin rezultatin pas zgjedhjeve.

“Na lejoni të presim rezultatin pas zgjedhjeve . Pavarësisht kësaj qëndrimi i përgjithshëm është që Ballkani Perëndimor të jetë pjesë e BE-së, për këtë arsye procesi i dialogut është i rëndësishëm” tha Beyer

Kujtojmë se pas këtij takimi deputeti i CDU-së do të zhvilloj një takim më Kryeministrin në detyrë Ramush Haradinaj./arbresh.info/

https://www.facebook.com/arbresh.info/videos/674766379694566/?notif_id=1567413098689531&notif_t=live_video_explicit