Isa Mustafa ngushëllon familje Haradinaj

13:18 | 17 Qershor 2018
Arbresh.info

Lideri i LDK-së, Isa Mustafa ka ngushëlluar familjen Haradinaj për vdekjen e babit të kryeministrit Haradinaj, Hilmi Haradinaj.

Mustafa përmes një statusi në Facebook ka thënë se Kosova dhe qytetarët e saj do ta kujtojnë Hilmi Haradinajn për sakrificën e jashtëzakonshme për lirinë e atdheut, përcjell arbresh.info.

Postimi i plotë i Mustafës:

Në emër të Lidhjes Demokratike të Kosovës dhe në emrin tim personal, i shpreh ngushëllimet më të sinqerta Familjes Haradinaj, kryeministrit Ramush Haradinaj dhe qytetarëve të Kosovës për ndarjen nga jeta të Bacës Hilmi Haradinaj.

Baca Hilmi dhe Familja Haradinaj i dhanë lirisë së Kosovës dy prej heronjve më të shquar, Shkëlzen e Luan Haradinaj, dhe luftëtarë të tjerë të dalluar në luftën çlirimtare.

Shteti dhe qytetarët e Kosovës do ta përkujtojnë përherë me nderime dhe respekt Hilmi Haradinajn për patriotizmin, vendosmërinë, urtësinë dhe sakrificën e jashtëzakonshme për lirinë e Atdheut.

I qoftë i lehtë dheu i Kosovës!

Isa Mustafa

Shpërndaje në rrjete sociale

Lajmet më të lexuara

Të ngjashme

Foto lajm